2011年5月11日 星期三

慳慳地! $6000去日本

如果話只要$6,000便可去日本, 你相信嗎?
 
話說早在2月左右, 和友人講開政府派錢(雖然我唔贊同這做法), 一人$6,000會點駛, 當時我半開玩笑話: "去日本啦." 友人問: "得唔得呀!" 我話: "慳慳地去大阪囉, d嘢平d, 去5日, 唔去USJ, 剩係行吓街睇吓風景, 都唔係唔得架." 之後友人話: "都好bor, 你返去寫個行程嚟睇睇." 所以便有咗呢個$6,000去日本大計, 可惜人算不如天算, 日本發生311大地震, 我唔知友人是否依然有興趣前往, 不過承諾始終是承諾, 既然應承咗友人(雖然是半開玩笑的), 所以便有以下構想和行程.
 
構想如下(為方便計算, 劃一以10計算, 則Yen100=HK$10):
機票: $3,500 (連什費)
酒店: $1,000 (冇錯, 是4晚一千, 在訂房網Jalan有不少每人每晚低於2500円的選擇)
車費: $700 (主要是頭尾2日往返機場車費, 及1張5000円的3Days Pass)
飲食: $800 (扣除首日早午餐及尾日晚餐, 早300円, 午700円, 晚1000円, 各4餐)
 
雖然預算剛好$6,000, 但可行與否, 其實取決於是否能買到平機票. 不過事實上, 在5-6月的淡季(可能亦受到311大地震的影響), 某些航空公司前往大阪的機票低於$2,000(未計什費), 5日4夜套票亦不過是$3,700(4晚酒店, 未計什費), 所以理論上是完全可行.
 
至於行程方面, 以上述航空公司的套票為基準, 酒店位於大阪駅(=梅田駅)至中津駅之間, 包早餐(又慳d), 一去五返(六日住宿可能有附加費), 編出以下行程大綱:
 
星期一(月) 香港 -(1100-1520)-> 関西空港 -(70min 1060円)-> 大阪駅(酒店) [估計到達酒店已近黃昏, 首先要去購買3Days Kansai Thru Pass(5000円), 之後可以行吓附近的商場及地下街(搵平嘢食), 或去一些設有免費展望室的大廈觀賞夜景.]
星期二(火) 梅田駅 -(100min 1250円)-> 山陽姫路駅(姫路城) -(120min 1480円)-> 有馬温泉駅(有馬温泉參觀) -(60min 690円)-> 三宮(神戸市役所) -(40min 310円)- 梅田駅 [此日起會連續3日使用Kansai Thru Pass, 不過為方便起見, 所以亦保留原有車費以作參考. 因為是慳錢團的關係, 所以姫路城只會在外圍參觀影相, 並不會進入城內; 另外考慮到姫路城天守閣現正進行修繕的關係, 可能增遊或改往新長田駅(離山陽姫路或有馬温泉均約60min)觀看鉄人28号及三國人物像; 有馬温泉設有足湯, 如要入浴亦可使用著名的金湯(650円)或銀湯(550円), 不過兩者會輪流於星期二休息; 神戸市役所設有免費的展望室, 可在此觀賞神戸著名的夜景.]
星期三(水) 梅田駅 -(20min 260円)-> 池田駅(日清杯麵發明館) -(60min 450円)-> 嵐山(阪急)駅(渡月橋) -(20min 220円)-> 河原町駅(河原町, 祇園) -(45min 390円)-> 梅田駅 [日清杯麵博物館可以自行在杯麵杯(300円一隻)上繪畫圖畫, 製作成杯麵; 下午主要在京都遊覽, 可根據喜好及交通來決定遊覽地點, 不過大多寺院都有參拜費(300円-600円), 要小心選擇, 以免超出預算; 如對京都興趣不大, 在池田駅附近亦有免費動物園可供遊覽.]
星期四(木) 梅田駅 -(10min 230円)-> 尼崎駅(尼崎博物館, 世界の貯金箱博物館) -(60min 860円)-> 近鉄奈良駅(奈良公園, 東大寺) -(45min 740円)-> 心斎橋駅(心斎橋, 道頓堀) -(10min 230円)-> 梅田駅 [如果話慳之餘, 重有禮物收, 是否會更好, 世界の貯金箱博物館便是這樣的地方, 除免費參觀外, 更會送上貯金箱作為紀念; 雖然預算只有$6,000, 不過目的都是慳多d錢來購物, 所以參觀完奈良後, 預留時間行心斎橋, 美國村一帶.]
星期五(金) 梅田駅(喫茶Y) -(70min 1160円)-> 関西空港 -(1620-1815)-> 香港 [行程最後一日, 主要是在酒店附近行逛或前往機場附近的Outlet; 因為不用趕行程, 所以就算酒店包早餐, 亦會改往附近的喫茶Y食, 喫茶Y是大阪有名的大食餐廳, 600円的美式早餐可能會超出預算, 不過當你面對的是4-5隻雞蛋, 大量火腿, 還有10cm厚的多士連飲品時, 可能連午餐都慳番.]
 
聽過這預算的友人都會問, 到底1000円晚餐可以食d乜? 唔會餐餐都係拉麵呀? 我可以好肯定答唔會, 當然如果你要食神戸牛, 長腳蟹或雞泡魚, 我未必幫到你, 不過就絕對唔會太差. 大阪有名的自由軒-名物咖哩650円; 另一名店北極星-旦包飯由690円起; 要食刺身若峽家的刺身丼任君組合; 甚至屬於貴價食品的鰻魚, 在天滿宮附近的商店街內, 亦有鰻魚丼只售500円. 所以絕對有好多選擇.
 
另外, 心水清的人可能會發現, 首日及尾日往返機場的車費相差了100円, 因為首日前往大阪駅並不需要趕時間, 所以選擇了需要轉車的較平路線; 而尾日返回機場, 則考慮到回程行李可能增多, 所以選擇能直達機場的路線. 關於括號內表示的車費及時間, 部分是需要轉車的, 敬請注意.
 
$6,000去齊京阪神奈, 看名城, 浸名湯, 賞夜景, 歎地道美食, 還有紀念品, 夫復何求?

沒有留言:

張貼留言