這次東<->北之旅, 因為某些原因,
所以經常都只得我一人, 就算話這次是一人之旅亦不為過. 對於一個人旅行, 雖然並冇不習慣, 反而因能隨性而行, 更使我樂在其中,
但對於遇上醉人的美景及美味的食物時, 卻無法與友人即時分享, 難免會有一份寂寥. 以下是這次旅程中遇上的一些難忘事, 在此與各有緣人分享一下:
事件一 --- 誰像壞人?
話說在行程第一日, 在東京駅換了JR PASS和新幹線車票後, 見火車未開, 便在車駅內四圍行,
當時我背著大背囊, 剛離開一間便利店, 行行吓, 感覺後面好似有人叫我, 便望返轉頭, 結果真的有位大叔向著我走來. 大叔叫停我後,
便從褲袋取出一個証件套, 雙手在腰間快速地開合証件套(約1-2秒), 讓我看內裡的證件. 老實說, 先不說我是外地遊客,
不知日本警察的証件是怎樣, 就算我知, 那怱怱一眼, 我除咗見到有塊銀色牌外, 就乜到見唔到, 點知真定假呀. 無論點,
我都交出護照讓大叔檢查, 經過一輪雞同鴨講後, 大叔用手勢示意我在原地等候便行開, 呢個時候, 我緊係保持一定距離死跟啦, 點解?
因為佢都未比返本護照我, 我一路跟, 佢就一路做手勢要我等, 我心諗: "大佬呀, 我連你個証件真假都唔知,
你仲攞住我本護照走, 你似壞人多過我啦, 我點會唔跟." 之後, 大叔在一條柱後找到佢拍檔. 個拍檔又係鬼鬼祟祟攞個證件套出來飛快打開,
以為佢搵個拍檔係因為個拍檔會識D英文或普通話, 點知都係講日文, 結果又中日兩方交流咗一陣, 佢地先比返本護照我, 仲想教我應該係邊度上車,
不過我婉拒了便離開.
事件二 --- 女子電視頻道(P.S.以下內容含色情成份, 未成年人士請在家長指引下觀看)
日本電視所播放的節目,
除一些大電視台的部份頻道能在全國收看外, 其他的節目會因應地區的不同, 而接收的頻道亦有所不同, 一般都是當地或鄰近県市的電視台所製作的節目.
在這次行程入住的酒店中, 其中一間能收看一個女子電視頻道(正式名稱我並不清楚). 這個頻道並不是專為女性而設,
而是標榜所有節目主要都是由女子出演, 演出者當中不乏歌手, 女優或聲優, 不過更多的是水着少女及AV女優.
雖然和一般24小時播放的AV收費頻道不同, 不過在午夜過後, 這頻道播出的亦全是AV影片. 話說酒店房內的電視,
每次開機都一定是這個女子電視頻道, 因第二朝要一早出發的關係, 所以很早便起身梳洗, 當我起身開啟電視時,
電視正擂放以下畫面: 有一位只穿內褲的男士躺在地上, 而另一位手持珍寶珠穿著內衣及薄紗裙的少女, 正不斷地撫摸及舔弄男士的胸膛.
當我梳洗完後, 電視上依然是上述畫面, 之後, 我落大堂食完早餐回房, 電視上的男士依然郁都唔郁, 任由穿著不變的少女在其胸膛上撫弄.
由我起身到食完早餐回房, 前前後後差不多1小時, 播放的畫面都大同小異, 我不禁要問: 這樣的節目,
到底是否會有人由頭睇到尾? 自問我就難而容忍. 不過, 我真的想知這節目是否就是這樣至結尾, 可惜因時間關係, 只好離開.
(待續)
沒有留言:
張貼留言